OPJ Orku Punkta Jöfnun

Stutt lýsing á OPJ meðferð

 

Garðar Jónsson miðill f. 21.06.1966 d. 1.3. 2021 vann í mörg ár með OPJ og mótaði með hjálp stjórnanda síns Jóakim þessa tækni og kom henni í það form að geta kennt hana öðrum.  Eins og Garðar segir: “OPJ Orku Punkta Jöfnun er í raun ótrúleg tækni, einföld en um leið svo merkilega árangursrík að manni stendur ekki  á sama stundum. Orka er eins og vatnið í brunninum, hefur engan tilgang fyrr en maður notar hana, á þessum grunni er OPJ tæknin byggð”.

Til að okkur líði vel og höldum heilbrigði er nauðsynlegt að orkuflæðið í líkama okkar sé í góðu jafnvægi.  Ef orkuflæðið stíflast eða einhver tregða er á því um líkamann eða líkamshluta þá miðar OPJ meðferðin að því að leiðrétta og opna orkuflæðið á milla orkupunkta.  OPJ byggist á því að virkja orkuna með því að koma af stað eðlilegu flæði á milli orkupunktanna sem líkaminn er þakinn af.  Hver orkustöð tengist útí veraldlega líkamann og myndar svokallaða orkupunkta – klasa, þessir orkupunktar viðhalda eðlilegri hringrás orkunnar þ.e. andlegu orkunnar inní efnislíkamanum og næra hann og styðja.  Tölurnar 3, 7 og 9 eru andlegar tölur og er unnið út frá tölunni 7 þegar unnið er með orkupunkta.  7 orkustöðvar – 49 orkupunkta-klasar – 343 orkupunktar.

Af hverju lokast orkupunktar?  Margar ástæður geta legið þar að baki t.d. vegna slyss, sjúkdóma og aðstæðna í veraldlega og eða andlega lífinu.  Þegar manneskja þjáist af t.d. vöðvabólgu, höfuðverk eða verkjum í fótum þá hjálpar þessi aðferð til að bæta orkuflæðið um áðurnefnd svæði.  Fólk sem lent hefur í áföllum getur líka nýtt sér þessa aðferð til að hjálpa því að ná bata.  Þessi aðferð kemur ekki í stað læknisfræðilegra aðferða en er góð viðbót og getur flýtt fyrir bata.

Þegar þú ferð í meðferð hjá OPJ þerapista/heilara þá byrjar meðferðin á samtali ykkar á milli þar sem rætt erum heilsufar og hvaða staðir  það eru sem þarf að vinna með  og síðan tekur við meðferð sem getur farið fram annað hvort á bekk eða í stól.  Meðferðin felst í því að meðferðaraðilinn ýtir létt á sett tveggja punkta á líkamanum, skynjar orkuflæðið á milli punktanna, ef það er ekki í lagi þá leitast hann við að opna fyrir eða leiðrétta orkuflæðið. Þegar flæðið er komið í gang leitast bæði andlegi og líkamlegi hlutinn að viðhalda orkuflæðinu.  Að meðferð lokinn er tekið samtal um upplifunina.